now that most elected government officials are now proclaimed, i'm hoping for these requests "pending to-do" to be considered:

[×] ROAD RESTRUCTURE
para madaling mapansin (o makilala) ng taumbayan ang isang opisyal na nagbabalak tumakbo muli sa gobyerno, pag-ayos sa lubak na kalsada ang naging paraan. yun nga lang, karamihan sa mga proyektong ito ay minadali kaya hindi rin naramdaman ng husto ang pinagbago.

narinig ko sa iba na hindi binibigyang pansin ang mga kanal na damay dito. sa pagkakaalam ko, kailangang unahin itong asikasuhin bago tutukan ang mga kalsada. kaysa maiwasan ang pagbaha mula sa malakas na ulan, lalo lang bumabara ang mga kanal. easy-smooth flow ang hanap ng lahat ng bumibyahe, umaraw man o umulan.

nga pala, of quality ba ang mga materyales na ginamit?

[×] HEALTH SERVICES
may batas na "nagpapalaya" sa mga pasyenteng di makapagbayad ng bill sa mga private medical institutions. at ang mga ospital na ito, nagrereklamo, malaki daw ang nailulugi.

bakit? dahil ang mga taong "tumatakas" ay hindi maasahan ang mga government (o public) hospitals. hindi sila lumalapit sa mga ospital na alam nilang hindi sila mabibigyan ng sapat na atensyon at tamang medikasyon. dapat, palakasin sila at matinong funding. ibalik ang tiwala at reputasyon ng mga taong kabilang dito.

else, i-revise ang bill! hindi ba pwedeng at least 50% muna ibayad bago maipalabas?

[×] BILLBOARDS
walang malay ang mga tao kung ano na ang nangyari sa ban. pinayagan na bang muli ang pag-advertise gamit ang medium na ito? kahit maayos lang naman din ang makakita ng mga ito't matakpan ang "kahirapan" ng mga lungsod, wala pa rin tayong ideya kung ano na ba talaga ang kinahinatnan.
don't tell me, voluntary removal na lang ang gagawin kung kinakailangan. lalo na't panahon na naman ng ulan.

[×] SEGREGATION
may green at black nga, pero pareho pa ring kinokolekta ng mga basurero. at hindi na rin pinapansin kung biodegradable ang binibigay. disiplina ang kulang dito. at kulang sa impormasyong ipinamimigay. ang lumalabas tuloy, lahat pa rin ay natatambak sa isang lugar.

[×] WORLD DEBT
bumabawi na ang Piso matapos ang ilang taon. at ang pagkakaalam ko noon, kung maabot sa 46:1 ratio, ay posible nang maibayad ang utang ng Pilipinas sa World Bank. kailan pa ba maghihintay? alam ko kung gaano kalaki ang utang ng bansa, pero hindi naman nababalitaan kung may naibabayad na ba kahit partial man lang. mas mararamdaman ng tao ang pag-angat ng ekonomiya kung naririnig ito sa mga balita.

[×] EDUCATION
ito ang hinding hindi pwedeng kalimutan. period. pag-aralan ang sistema ng edukasyon, ito pa rin ba ang nararapat sa kabataan ngayon? kung talagang maunlad na ang bansa, sana maipatupad ang free education.